Toshkent, O‘zbekiston (UzDaily.uz) — 2025-yil 20-yanvardan boshlab O‘zbekistonda «Urganch – Qo‘ng‘irot – Urganch» yo‘nalishi bo‘yicha yangi yo‘lovchi poyezdi qatnovi yo‘lga qo‘yiladi. Bu haqda mamlakat Transport vazirligi ma’lum qildi.
Yangi temir yo‘l qatnovi yo‘lovchilar uchun qo‘shimcha qulayliklar yaratish maqsadida tashkil etildi.
Poyezd har kuni qatnaydi. Urganchdan jo‘nash soat 6:00 ga, Qo‘ng‘irotdan esa 13:24 ga mo‘ljallangan.
