Toshkent, O’zbekiston (UzDaily.uz) — O‘zbekiston vakili Mariya Timofeyeva Portugaliyada o‘tkazilayotgan WTA 125 toifasidagi Eupago Porto Open turniri finaliga yo‘l oldi.
Timofeyeva yarim final uchrashuvida Slovakiya vakili Miya Pogankovyani uch setda 6:2, 6:7(3), 6:3 hisobida mag‘lub etdi.
Uchrashuv 2 soat 38 daqiqa davom etdi. G‘alabadan so‘ng Timofeyeva turnirning bosh sovrini uchun kurashish imkoniyatiga ega bo‘ldi.
