Toshkent, O’zbekiston (UzDaily.uz) — O‘zbekiston futbol terma jamoasi o‘rtoqlik uchrashuvida Eron terma jamoasini 3:1 hisobida mag‘lub etdi.
Hisob 10-daqiqada ochildi. Eldor Shomurodov raqibning xatosidan foydalanib, O‘zbekiston terma jamoasini oldinga olib chiqdi.
49-daqiqada Eron terma jamoasi jarima zarbasidan so‘ng hisobni tenglashtirdi.
Biroq 58-daqiqada Shomurodov penaltini aniq amalga oshirib, O‘zbekiston terma jamoasini yana oldinga olib chiqdi.
Yakuniy hisobni Husayn Norchayev belgiladi. U 90+4-daqiqada gol urib, hisobni 3:1 ko‘rinishiga keltirdi.
O‘zbekiston terma jamoasi navbatdagi o‘rtoqlik uchrashuvini 1 oktyabr kuni Toshkentda Suriyaga qarshi o‘tkazadi.
