Toshkent, O’zbekiston (UzDaily.uz) — O‘zbekiston shaxmat bo‘yicha asosiy terma jamoasi Samarqandda o‘tayotgan 46-jahon shaxmat olimpiadasining ochiq turniri 6-turida Hindiston terma jamoasini 2,5:1,5 hisobida mag‘lub etdi.
Birinchi taxtada Nodirbek Abdusattorov Pragnanandha Rameshbabu bilan durang o‘ynadi.
Ikkinchi taxtada Javohir Sindarov va Arjun Erigaysi ham durang qayd etdi. O‘zbekiston jamoasi g‘alabasiga hal qiluvchi hissani uchinchi taxtada Nihal Sarinni mag‘lub etgan Nodirbek Yoquboyev qo‘shdi.
To‘rtinchi taxtada Shamsiddin Vohidov Gukesh Dommarajuga qarshi durang o‘ynadi.
Mezbon sifatida O‘zbekiston musobaqada ikkinchi va uchinchi terma jamoalarini ham ishtirok ettirmoqda.
«O‘zbekiston 2» terma jamoasi Ispaniya terma jamoasini 2,5:1,5 hisobida mag‘lub etdi. Jahongir Vohidov, Santos Latasa Xayme va Danil Yuffa o‘z raqiblari bilan durang o‘ynadi, Abdimalik Abdisalimov Maksim Chigayev ustidan g‘alaba qozondi, Muhammadzohid Suyarov esa Xayme Santos Latasa bilan ochkolarni bo‘lishdi.
«O‘zbekiston 3» terma jamoasi Avstraliya jamoasiga 1,5:2,5 hisobida mag‘lub bo‘ldi.
Saidakbar Saydaliyev Bobbi Cheng bilan durang o‘ynadi. Biroq Temur Quybokarov va Rishi Sardana ikkinchi va uchinchi taxtalarda Avstraliyaga g‘alaba keltirdi. To‘rtinchi taxtada Asrorjon Omonov Devid Smerdon ustidan g‘alaba qozondi.
