Toshkent, O’zbekiston (UzDaily.uz) — Raqamli to‘lovlar sohasida jahon yetakchisi va AFC Saudi Arabia 2027™ futbol bo‘yicha Osiyo kubogining rasmiy global homiysi Visa kompaniyasi o‘z kartalari egalari uchun turnir chiptalarini erta xarid qilish imkoniyatini ochdi.
Oldindan onlayn sotuv 2026 yil 15 sentyabrdan 17 sentyabrga qadar davom etadi. Chiptalarning umumiy savdosi 18 sentyabrdan boshlanadi. Shu tariqa, Visa kartalari egalari ommaviy savdolar boshlanishidan oldin chiptalarni xarid qilib, Osiyoning eng yirik futbol musobaqalaridan birida o‘z joylarini oldindan tanlashlari mumkin.
Chiptalarni erta xarid qilish imkoniyatidan tashqari, Visa kartalari egalari uchun chempionatning o‘zi davomida maxsus imkoniyatlar ham tayyorlangan. Ular orasida o‘yin oldidan qurʼa tashlash marosimida ishtirok etish, jamoalarning qizish mashg‘ulotlarini kuzatish va maydon chetida bo‘lish imkoniyati bor.
Dasturning alohida qismi Kids Program bo‘ladi. 6 yoshdan 10 yoshgacha bo‘lgan 1000 nafardan ortiq bola taniqli futbolchilar bilan birga maydonga chiqish imkoniyatiga ega bo‘ladi.
«Futbol odamlarni birlashtirishda noyob kuchga ega. Biz muxlislarga AFC Saudi Arabia 2027™ futbol bo‘yicha Osiyo kubogiga yana-da yaqinroq bo‘lishlariga yordam berayotganimizdan xursandmiz», — dedi Visa kompaniyasining Markaziy va Sharqiy Yevropa, Yaqin Sharq va Afrika bo‘yicha marketing direktori Tarek Abdalla.
Uning so‘zlariga ko‘ra, oldindan sotuv tufayli Visa kartalari egalari Osiyodagi yirik futbol voqeasining bir qismiga aylanish imkoniyatiga ega bo‘ladi. Kompaniya, shuningdek, Saudiya Arabistonida o‘tkaziladigan turnirda Osiyo va boshqa mintaqalardan keladigan muxlislarni kutib olishni rejalashtirmoqda.
Visa oldindan sotuvda ishtirok etish uchun muxlislarga kartalarini oldindan tayyorlab qo‘yish va chiptalarni 2026 yil 15–17 sentyabr kunlari Ahlan App ilovasi orqali xarid qilishni tavsiya etmoqda.
