Toshkent, O’zbekiston (UzDaily.uz) — 2026 yil yanvar–iyul oylarida O‘zbekistonda 3,5 trln so‘mlik asosiy farmatsevtika mahsulotlari va dori vositalari ishlab chiqarildi.
O‘tgan yilning mos davriga nisbatan ishlab chiqarish hajmi 20,7 foizga oshdi. Bu haqda Milliy statistika qo‘mitasi xabar berdi.
Farmatsevtika mahsulotlari ishlab chiqarishning eng katta hajmi Toshkent shahri hisobiga to‘g‘ri keldi — 2,1 trln so‘m. Ikkinchi o‘rinni 529 mlrd so‘mlik ko‘rsatkich bilan Sirdaryo viloyati, uchinchi o‘rinni esa 286,4 mlrd so‘mlik mahsulot ishlab chiqarilgan Toshkent viloyati egalladi.
Namangan viloyatida ishlab chiqarish hajmi 214,2 mlrd so‘mni, Samarqand viloyatida 143,1 mlrd so‘mni, Andijon viloyatida 83,6 mlrd so‘mni, Farg‘ona viloyatida esa 63,5 mlrd so‘mni tashkil etdi.
Surxondaryo viloyatida 53,7 mlrd so‘mlik, Xorazm viloyatida 20,6 mlrd so‘mlik, Qashqadaryo viloyatida 17,4 mlrd so‘mlik, Buxoro viloyatida esa 9,4 mlrd so‘mlik farmatsevtika mahsulotlari ishlab chiqarildi.
Qoraqalpog‘iston Respublikasida ishlab chiqarish hajmi 3,5 mlrd so‘mni tashkil etdi. Navoiy viloyati hisobiga 0,2 mlrd so‘m, Jizzax viloyati hisobiga esa 0,1 mlrd so‘m to‘g‘ri keldi.
