Toshkent, O’zbekiston (UzDaily.uz) — 2025 yilda O‘zbekiston aholisining har bir kishisiga o‘rtacha 19,2 kvadrat metr umumiy uy-joy maydoni to‘g‘ri kelgan. 15 yil davomida mazkur ko‘rsatkich 4,2 kvadrat metrga yoki 28 foizga oshdi. Bu haqda O‘zbekiston Respublikasi Milliy statistika qo‘mitasi xabar berdi.
2010 yilda aholining uy-joy bilan o‘rtacha taʼminlanganligi har bir kishi hisobiga 15 kvadrat metrni tashkil etgan. 2015 yilga kelib ko‘rsatkich 15,2 kvadrat metrga, 2020 yilda esa 16 kvadrat metrga yetgan.
Eng sezilarli o‘sish 2021 yilda qayd etildi — har bir kishiga 18,2 kvadrat metr. 2022 yilda ko‘rsatkich 18,5 kvadrat metrni, 2023 yilda esa 19 kvadrat metrni tashkil etdi.
2024 yilda bir nafar aholiga to‘g‘ri keladigan uy-joyning o‘rtacha maydoni 18,9 kvadrat metrni tashkil etgan. 2025 yilda ushbu ko‘rsatkich 19,2 kvadrat metrga oshgan.
Shunday qilib, 2010–2025 yillar davomida O‘zbekistonda bir nafar aholining umumiy uy-joy maydoni bilan o‘rtacha taʼminlanganligi 15 kvadrat metrdan 19,2 kvadrat metrga oshgan.
