Toshkent, O’zbekiston (UzDaily.uz) — O‘zbekiston ayollar futbol terma jamoasi 2026 yilgi Osiyo o‘yinlarining guruh bosqichi uchinchi turida Gonkong terma jamoasini 2:1 hisobida mag‘lub etdi.
35-daqiqada Diyoraxon Habibullayeva hisobni ochdi. Ikkinchi bo‘limda O‘zbekiston ustunligini mustahkamladi. Penaltini Maftuna Shoyimova aniq amalga oshirib, hisobni 2:0 ga yetkazdi.
Gonkong 55-daqiqada Chan Chungning goli evaziga farqni qisqartirdi. Biroq jamoa hisobni tenglashtira olmadi va uchrashuv O‘zbekiston terma jamoasining 2:1 hisobidagi g‘alabasi bilan yakunlandi.
Ushbu g‘alaba O‘zbekistonga G guruhida 5 ochko jamg‘arish va Xitoy terma jamoasidan keyin ikkinchi o‘rinni egallash imkonini berdi. O‘zbekiston bir g‘alaba, ikki durang va mag‘lubiyatsiz natija qayd etib, turnirning keyingi bosqichiga yo‘l oldi.
