Toshkent, O’zbekiston (UzDaily.uz) — Toshkentda o‘tkazilayotgan 17 yoshgacha bo‘lgan kadetlar va 20 yoshgacha bo‘lgan o‘smirlar o‘rtasida qilichbozlikning sablya yo‘nalishi bo‘yicha Jahon kubogi bosqichida O‘zbekiston terma jamoasi shaxsiy bahslarda ikkita medalni qo‘lga kiritdi.
O‘smirlar o‘rtasidagi musobaqada Alpamis Oraqboyev oltin medalni qo‘lga kiritdi. Kadetlar bahsida esa Muhammadali Tursinboyev finalgacha yetib borib, kumush medal sohibi bo‘ldi.
Shaxsiy bahslar yakunlanganidan so‘ng ishtirokchilar jamoaviy musobaqalarda ham medallar uchun kurashni davom ettiradilar.
