Toshkent, O‘zbekiston (UzDaily.uz) — Turizm qo‘mitasi raisi o‘rinbosari Sardor Niyazov va Chuvash Respublikasi Vazirlar Mahkamasi raisining o‘rinbosari - Iqtisodiy rivojlanish va mulkiy munosabatlar vaziri Dmitriy Krasnov o‘rtasida muzokaralar o‘tkazildi.
Uchrashuv davomida mamlakatda turizm sohasini rivojlantirish, xorijiy va mahalliy sayyohlar oqimini oshirish, ushbu sohada faoliyat yuritayotgan xususiy tadbirkorlarga qulay sharoitlar yaratish bo‘yicha olib borilayotgan ishlar to‘g‘risida batafsil ma’lumot berildi.
Shuningdek, Chuvash tomoni O‘zbekistonning madaniy merosi, tarixiy yodgorliklari va noyob tabiiy resurslariga asoslangan turizm mahsulotlari bilan birgalikda, yangi sayyohlik maskanlari va yo‘nalishlari bilan yaqindan tanishtirildi.
D. Krasnov, o‘z navbatida, O‘zbekiston hukumati tomonidan olib borilayotgan chora-tadbirlarga yuqori baho berib, turizm industriyasini rivojlanishi tajribasi, ikki tomonlama hamkorlikni kengaytirishga qaratilgan fikr-mulohazalari bilan o‘rtoqlashdi.
Muzokaralar yakunida tomonlar turizm sohasida hamkorlikni yanada kengaytirish bo‘yicha chora-tadbirlar dasturini ishlab chiqishga kelishib oldilar.
