Toshkent, O’zbekiston (UzDaily.uz) — O‘zbekiston tennis terma jamoasi vakili Humoyun Sultonov Osiyo o‘yinlarida erkaklar o‘rtasida yakkalik bahslarining uchinchi davrasiga yo‘l oldi. Ikkinchi davrada u Xitoy vakili Men Fanminni 6:1, 6:4 hisobida mag‘lub etdi.
Sultonov uchrashuvni ishonchli boshlab, birinchi setda 6:1 hisobida g‘alaba qozondi. Ikkinchi setda ham o‘zbekistonlik tennischi ustunlikni saqlab qoldi va 6:4 hisobida zafar quchdi.
Ikki set yakunlariga ko‘ra Sultonov g‘alaba qozonib, Osiyo o‘yinlari tennis musobaqasining uchinchi davrasida ishtirokini davom ettiradi.
