Toshkent, O‘zbekiston (UzDaily.uz) — 2024 yil davomida respublikaning barcha toifadagi xo‘jaliklari tomonidan 8,8 milliarddan ortiq tuxum ishlab chiqarildi. Bu haqda Statistika agentligining dastlabki maʼlumotlarida aytib o‘tilgan.
Ishlab chiqarish hajmi quyidagicha taqsimlangan: fermer xo‘jaliklari 1,38 milliard dona, dehqon va yordamchi xo‘jaliklar 5,02 milliard dona, qishloq xo‘jaligi faoliyati bilan shug‘ullanuvchi tashkilotlar esa 2,41 milliard dona tuxum ishlab chiqargan.
