Toshkent, O’zbekiston (UzDaily.uz) — O‘zbekiston tashqi ishlar vaziri Baxtiyor Saidov 28 sentyabr kuni Rossiyaning O‘zbekistondagi Favqulodda va Muxtor Elchisi Aleksey Yerxov bilan uchrashuv o‘tkazdi. Bu haqda O‘zbekiston TIV rahbari xabar berdi.
Tomonlar ikki tomonlama kun tartibidagi dolzarb masalalar, shuningdek, har tomonlama strategik sheriklik va ittifoqchilik munosabatlarini yana-da mustahkamlash masalalarini muhokama qildi.
Bo‘lajak ikki tomonlama aloqalarga alohida eʼtibor qaratildi.
Baxtiyor Saidov O‘zbekiston va Rossiya o‘rtasidagi ko‘p qirrali hamkorlikni izchil rivojlantirish maqsadida yaqin hamkorlikni davom ettirish niyatini bildirdi.
