Toshkent, O’zbekiston (UzDaily.uz) — O‘zbekiston Prezidenti Administratsiyasi rahbari Saida Mirziyoyeva Jahon savdo tashkiloti bosh direktori Ngozi Okonjo-Iveala bilan uchrashdi. Tomonlar O‘zbekistonning JSTga aʼzo bo‘lish jarayonining borishi va navbatdagi vazifalarni muhokama qildi.
Uchrashuv davomida O‘zbekistonning tashkilotga qo‘shilish yo‘lida erishgan yutuqlari, shuningdek, mamlakat oldida turgan yakunlanishi lozim bo‘lgan ishlar ko‘rib chiqildi.
Saida Mirziyoyeva Ngozi Okonjo-Ivealaga ushbu jarayon doirasida ko‘rsatayotgan doimiy qo‘llab-quvvatlovi va ekspertlik yordami uchun minnatdorlik bildirdi.
«Biz bu yo‘lning katta qismini bosib o‘tdik, endi esa surʼatni saqlab qolish va jarayonni oxiriga yetkazish muhim», — dedi Prezident Administratsiyasi rahbari.
Eslatib o‘tamiz, O‘zbekiston Jahon savdo tashkilotiga aʼzo bo‘lish jarayonini 2026 yilda yakunlash niyatini tasdiqlagan. Bu maqsad bo‘yicha mamlakatning JSTga qo‘shilish jarayoni davom etmoqda.
