O‘zbekistonda baliq ovlash hajmi yarim yilda 37 foizga oshdi

Toshkent, O’zbekiston (UzDaily.uz) — O‘zbekistonda 2026 yil yanvar–iyun oylarida barcha toifadagi xo‘jaliklar tomonidan 75,3 ming tonna baliq ovlandi. Bu haqda Milliy statistika qo‘mitasi maʼlum qildi.

Idora maʼlumotlariga ko‘ra, baliq ovlash hajmi 2025 yilning shu davriga nisbatan 37,1 foizga oshgan.

Eng katta baliq ovlash hajmi Xorazm viloyatida qayd etildi. Bu yerda olti oy davomida 12,6 ming tonna baliq ovlangan. Keyingi o‘rinlarda 8,4 ming tonna bilan Namangan viloyati, 7,5 ming tonna bilan Toshkent viloyati, 7,1 ming tonna bilan Andijon viloyati va 6,5 ming tonna bilan Sirdaryo viloyati joy olgan.

Jizzax viloyatida 6,0 ming tonna, Farg‘ona viloyatida 5,8 ming tonna, Qoraqalpog‘iston Respublikasida 5,4 ming tonna, Navoiy viloyatida esa 5,2 ming tonna baliq ovlangan.

Hisobot davrida Samarqand viloyatida 4,1 ming tonna, Buxoro viloyatida 2,9 ming tonna, Surxondaryo viloyatida 2,4 ming tonna va Qashqadaryo viloyatida 1,5 ming tonna baliq ovlangan.