Toshkent, O’zbekiston (UzDaily.uz) — O‘zbekiston Tog‘-kon sanoati va geologiya vaziri Bobir Islomov 3 oktyabr kuni Turkiyaning Nakkaş Holding kompaniyasi bosh direktori M. Islomog‘lu boshchiligidagi delegatsiya bilan uchrashuv o‘tkazdi.
Tomonlar O‘zbekistonning tog‘-kon va geologiya sohalarida o‘zaro manfaatli hamkorlikni rivojlantirish hamda qo‘shma investitsiya loyihalarini amalga oshirish istiqbollarini muhokama qildi.
Muzokaralar davomida Nakkaş Holding kompaniyasining istiqbolli maydonlarda geologik qidiruv ishlarida ishtirok etishi mumkinligiga alohida eʼtibor qaratildi.
Shuningdek, mamlakatning mineral-xomashyo bazasini kengaytirish va zamonaviy qayta ishlash quvvatlarini tashkil etish masalalari muhokama qilindi.
Muzokaralarning alohida yo‘nalishi kompaniyaning texnogen chiqindilar va chiqindi otvallarini qayta ishlashda ishtirok etishi mumkinligi bilan bog‘liq bo‘ldi.
Tomonlar qayd etilgan yo‘nalishlarni O‘zbekistonning tog‘-kon sanoati va geologiya sektoridagi keyingi hamkorlikning istiqbolli sohalari sifatida ko‘rib chiqdi.
