Toshkent, O’zbekiston (UzDaily.uz) — O‘zbekiston vakili Kamila Rahimova Xitoyda o‘tkazilayotgan WTA 1000 toifasidagi Wuhan Open tennis turniri saralash bosqichidagi ishtirokini muvaffaqiyatli boshladi.
Birinchi uchrashuvda Rahimova amerikalik tennischi Sofiya Keninni ikki setda 6:0, 6:3 hisobida mag‘lub etdi.
Kenin 2020 yilda Australian Open turniri g‘olibi bo‘lgan. O‘sha mavsumda u Roland Garros turniri finaligacha yetib borgan va avvalroq jahon reytingining to‘rtinchi pog‘onasini egallagan.
Amerikalik tennischi ustidan qozonilgan g‘alaba Rahimovaga saralash turnirini muvaffaqiyatli boshlash imkonini berdi.
Keyingi uchrashuvlarda o‘zbekistonlik tennischining Wuhan Open turniri asosiy to‘riga yo‘llanma olish-olmasligi maʼlum bo‘ladi.
