Humo to‘lov tizimi foydani 4 barobarga oshirdi

Toshkent, O‘zbekiston (UzDaily.uz) — “Humo” to‘lov tizimi, «Milliy banklararo protsessing markazi» AJ operatori, 2026 yil birinchi choragi yakunlariga ko‘ra asosiy moliyaviy ko‘rsatkichlarda sezilarli o‘sishni qayd etdi.

Kompaniyaning sof foydasi 205,9 mlrd so‘mni tashkil etib, 2025 yilning shu davriga nisbatan 328,9% ga oshdi.

Eʼlon qilingan maʼlumotlarga ko‘ra, kompaniya daromadi 99,2 mlrd so‘mdan 308,6 mlrd so‘mgacha o‘sib, 209,4 mlrd so‘mga ko‘paygan. Shu bilan birga, ko‘rsatilgan xizmatlar tannarxi unchalik katta emas — 22,0 mlrd so‘mga oshib, 55,2 mlrd so‘mni tashkil etdi. Natijada, kompaniyaning yalpi foydasi 284% ga o‘sib, 253,4 mlrd so‘mga yetdi.

Chorak yakuniga ko‘ra Humo aktivlari 946,2 mlrd so‘mni tashkil etib, yillik hisobda 91,5% ga oshdi. Kompaniya kapitali qariyb ikki barobarga ko‘payib, 831,6 mlrd so‘mga yetdi, bu 99,4% o‘sishga to‘g‘ri keladi. Taqsimlanmagan foyda 162,1% ga oshib, 658,6 mlrd so‘mni tashkil etdi.

So‘nggi 12 oy davomida kompaniya foydasi 470,4 mlrd so‘mni tashkil etdi, bu esa oldingi davrga nisbatan 164,3% ga yuqori. Chorak bo‘yicha sof tushum 211,2% ga oshib, 308,6 mlrd so‘mga yetdi.

2026 yil yanvar–mart yakunlariga ko‘ra, Humo foydasi 328,9% ga oshdi, bu to‘lov tizimi moliyaviy ko‘rsatkichlarining keskin yaxshilanganini aks ettiradi.

Eslatib o‘tamiz, 2025 yil yanvar oyida Paynet kompaniyasi Humo‘dagi davlat ulushining 100% ni xususiylashtirish bo‘yicha savdolarda g‘olib bo‘lib, 65 mln AQSH dollari miqdorida eng yuqori taklifni bildirgan edi.