Toshkent, O’zbekiston (UzDaily.uz) — 2026 yil 1 avgust holatiga O‘zbekiston bank sektoridagi sof foyda 12,3 trillion so‘mni tashkil etdi. Bu bir yil avvalgi 7,3 trillion so‘mga nisbatan 68,1 foizga ko‘p.
Ushbu davrda banklarning foizsiz daromadlari 51,5 foizga, foiz marjasi esa 9,5 foizga oshdi. Bu haqda O‘zbekiston Markaziy banki xabar berdi.
Banklarning foizli daromadlari 18,3 foizga oshib, 84,4 trillion so‘mga yetdi. Biroq foizli xarajatlar tezroq, yaʼni 22,1 foizga o‘sib, 60,8 trillion so‘mni tashkil qildi. Natijada foiz marjasi bir yil avvalgi 21,6 trillion so‘mga nisbatan 23,6 trillion so‘m bo‘ldi.
Foizsiz daromadlar 40,6 trillion so‘mdan 61,5 trillion so‘mga yetdi. Foizsiz xarajatlar 37,8 foizga oshib, 20,3 trillion so‘mni, operatsion xarajatlar esa 26,9 foizga oshib, 20,2 trillion so‘mni tashkil qildi. Sof foizsiz daromad ikki baravardan ko‘proq oshib, 9,9 trillion so‘mdan 21 trillion so‘mga yetdi.
Banklar zaxiralarga ajratmalarni ham oshirdi. Kreditlar va lizing bo‘yicha ehtimoliy zararlarni baholash hajmi bir yil avvalgi 15,6 trillion so‘mga nisbatan 21 trillion so‘mni tashkil qildi. Kredit bilan bog‘liq bo‘lmagan ehtimoliy zararlar bo‘yicha baholash esa 7 trillion so‘mdan 9,5 trillion so‘mga yetdi.
Sektorning soliq to‘languniga qadar bo‘lgan foydasi 57,5 foizga oshib, 14,1 trillion so‘mni tashkil qildi. Foyda solig‘i xarajatlari 8,8 foizga oshib, 1,7 trillion so‘mga yetdi.
Soliq to‘languniga qadar bo‘lgan foydaning jami aktivlarga nisbati (ROA) 1,89 foizdan 2,5 foizga oshdi. Sof foydaning jami kapitalga nisbati (ROE) esa 10,43 foizdan 14,83 foizga ko‘tarildi.
Shu bilan birga, sof foizli daromadning jami aktivlarga nisbati 4,34 foizdan 3,98 foizga, sof foiz marjasining aktivlarga nisbati esa 4,57 foizdan 4,2 foizga pasaydi.
Kreditlar bo‘yicha sof foizli daromadning kredit portfeliga nisbati bir yil avvalgi 6,42 foizga nisbatan 6,28 foizni tashkil qildi.
Foydaning asosiy qismi eng yirik banklarga to‘g‘ri keldi. Aktivlari 30 trillion so‘mdan ortiq bo‘lgan 12 ta bank 8,4 trillion so‘m foyda oldi. Bu sektordagi jami sof foydaning 68,2 foizini tashkil etib, ularning kapital rentabelligi 13,1 foiz bo‘ldi.
Aktivlari 10 trillion so‘mdan 30 trillion so‘mgacha bo‘lgan 10 ta bank 3,1 trillion so‘m foyda oldi. Ularning kapital rentabelligi 22,3 foizni tashkil qildi.
Aktivlari 3 trillion so‘mdan 10 trillion so‘mgacha bo‘lgan yettita bankda foyda 771 milliard so‘mga yetdi, kapital rentabelligi esa 21,9 foizni tashkil qildi.
Aktivlari 3 trillion so‘mgacha bo‘lgan eng kichik beshta bank 37,5 milliard so‘m foyda oldi. Ularning kapital rentabelligi 2,4 foizni tashkil qildi.
