Toshkent, O‘zbekiston (UzDaily.uz) — O‘zbekiston Milliy investitsiya jamg'armasining (“UzNIF“) 2026 yil I chorak uchun MHXS bo‘yicha sof zarari 417,4 mlrd so‘mni tashkil etdi (2025 yil yakunlari bo‘yicha — 1,4 trln so‘m foyda). Operatsion zarar esa 520 mlrd so‘mdan oshdi.
Aksiyalarga kiritilgan investitsiyalardan, foyda yoki zarar orqali adolatli qiymatda hisobga olinadigan, sof realizatsiya qilinmagan foyda -520,7 mlrd so‘mni tashkil etdi. Bu fond portfelidagi aksiyalar qiymatining o‘sishi/pasayishidir, biroq aksiyalarning o‘zi hali sotilmagan.
Hisobot davrida dividend daromadi qayd etilmadi, chunki fond portfeliga kiruvchi kompaniyalardan dividend to‘lovlari joriy yilning II–III choraklarida kutilmoqda. Jumladan, “O'zRTXB“ aprel oyida dividend to‘lovlarini amalga oshirdi va bu fondning II chorak hisobotida aks etadi.
