Trastbank foydasi 2026 yil 1-chorakda 15,9%ga o‘sdi bo‘ldi

Toshkent, O‘zbekiston (UzDaily.uz) — 2026 yil birinchi choragi yakunlariga ko‘ra “Trastbank”ning sof foydasi 232,7 mlrd so‘mni tashkil etdi va o‘tgan yilning shu davriga nisbatan 15,9%ga oshdi. Bu haqda bank hisobot maʼlumotlarida qayd etilgan.

Foyda o‘sishi bilan birga ehtimoliy kredit yo‘qotishlariga qarshi zaxiralar ham ortib borgani kuzatildi. Kredit va lizing operatsiyalari bo‘yicha ehtimoliy zararlar bahosi 43,8 mlrd so‘mdan 156,9 mlrd so‘mgacha ko‘tarilgan. Bu bankning sof foiz daromadlari 234,1 mlrd so‘mdan 195,6 mlrd so‘mgacha pasayishiga taʼsir qilgan.

Bankning kredit portfeli 2026 yil 1 mart holatiga ko‘ra 8,2 trln so‘mga yetgan va yillik hisobda 40,2%ga oshgan. Shu bilan birga, muammoli kreditlar ulushi (NPL) 3,4%dan 4,1%ga ko‘tarilgan.

Jami aktivlar 15,5 trln so‘mni tashkil etgan bo‘lib, bu o‘tgan yilga nisbatan 27,2% ko‘pdir. Kapital esa 3,7 trln so‘mga yetgan va 23,5% o‘sishni ko‘rsatgan.

Bankning umumiy daromadlari 1,0 trln so‘mni tashkil etib, yillik hisobda 43,3%ga oshgan. So‘nggi 12 oydagi foyda 897,2 mlrd so‘m bo‘lib, o‘tgan yilga nisbatan 10,2% yuqori darajani ko‘rsatgan.

Daromadlilikning oshishiga qaramay, kreditlar bo‘yicha zararlar bo‘yicha zaxiralarning ko‘payishi va muammoli kreditlar ulushining ortishi bank portfelidagi kredit xavflarining oshganligini ko‘rsatadi.