Toshkent, O’zbekiston (UzDaily.uz) — O‘zbekistondagi ikki davlat banki boshqaruvlari tarkibida o‘zgarishlar yuz berdi. “Turonbank” ATB va “Mikrokreditbank” ATB boshqaruv raislarining o‘rinbosarlari egallab turgan lavozimlaridan ozod etildi.
“Turonbank” ATB boshqaruvi raisining o‘rinbosari Zohidjon Obidovning vakolatlari 29 sentyabrdan muddatidan oldin tugatildi.
“Mikrokreditbank” ATB boshqaruvi raisining o‘rinbosari Sodir Melibayev ham egallab turgan lavozimidan ozod etildi.
“Turonbank” qarorida aytilishicha, mazkur qaror 16 sentyabrda Bosh vazir o‘rinbosarining topshirig‘i bilan belgilangan vazifalar, shuningdek, Markaziy bankning 4 sentyabrdagi tanqidiy xati bilan bog‘liq holda qabul qilingan.
