Toshkent, O’zbekiston (UzDaily.uz) — O‘zbekiston va Pokiston mintaqaviy o‘zaro bog‘liqlikni mustahkamlash masalalarini muhokama qildi. Bu haqda O‘zbekiston Tashqi ishlar vazirligi xabar berdi.
O‘zbekiston Prezidentining Afg‘oniston bo‘yicha maxsus vakili Ismatulla Irgashev 17 sentyabr kuni Pokistonning O‘zbekistondagi Favqulodda va muxtor elchisi Muhammad Mudassir Tipu bilan uchrashuv o‘tkazdi.
Uchrashuvda ikki tomonlama sheriklikni yana-da rivojlantirish masalalari muhokama qilindi.
Muloqot davomida O‘zbekiston–Pokiston hamkorligining dolzarb masalalari, jumladan, siyosiy muloqotni rivojlantirish, savdo-iqtisodiy hamkorlikni kengaytirish va mintaqaviy o‘zaro bog‘liqlikni mustahkamlash masalalari ko‘rib chiqildi.
Tomonlar muntazam aloqalarni saqlab qolish hamda mintaqada barqarorlik, ishonch va barqaror rivojlanishni mustahkamlashga qaratilgan tashabbuslarni birgalikda ilgari surishdan o‘zaro manfaatdor ekanini tasdiqladi.
