Toshkent, O’zbekiston (UzDaily.uz) — O‘zbekiston Sog‘liqni saqlash va farmatsevtika sanoatini rivojlantirish agentligi vakillari Belarusning “Belmedpreparati” korxonasi bilan farmatsevtika sohasida hamkorlikni kengaytirish istiqbollarini muhokama qildi.
Uchrashuv «INNOPROM. Belarus» xalqaro sanoat ko‘rgazmasi doirasida bo‘lib o‘tdi.
Tomonlar O‘zbekistonda dori vositalari ishlab chiqarishni mahalliylashtirish, texnologiyalar transferi va qo‘shma loyihalarni amalga oshirish masalalarini ko‘rib chiqdi.
Shuningdek, O‘zbekiston farmatsevtika bozorida yangi loyihalarni ishga tushirish imkoniyatlari, shuningdek, mahsulotlar eksportini kengaytirishga alohida eʼtibor qaratildi.
Uchrashuv davomida tomonlar farmatsevtika sanoatidagi hamkorlikning kelgusidagi yo‘nalishlari va qo‘shma tashabbuslarni rivojlantirish imkoniyatlari yuzasidan fikr almashdi.
