Toshkent, O’zbekiston (UzDaily.uz) — O‘zbekiston U-17 terma jamoasi Ispaniyaning Albir shahrida o‘tkazilgan nazorat uchrashuvida Urugvayga 0:3 hisobida mag‘lub bo‘ldi. Sergey Chigodayev boshchiligidagi jamoa 17 yoshgacha bo‘lgan futbolchilar o‘rtasidagi Jahon chempionatiga tayyorgarlikni davom ettirmoqda.
Urugvay terma jamoasi 12-daqiqada hisobni ochdi. Jamoa yana ikki golni 36 va 60-daqiqalarda kiritdi.
O‘zbekiston U-17 terma jamoasi navbatdagi nazorat uchrashuvini 27 avgust kuni Ispaniyaga qarshi o‘tkazadi.
Sergey Chigodayev boshchiligidagi jamoa 17 yoshgacha bo‘lgan futbolchilar o‘rtasidagi bo‘lajak Jahon chempionatiga tayyorgarlik doirasida nazorat uchrashuvlarida ishtirok etmoqda.
