Toshkent, O’zbekiston (UzDaily.uz) — O‘zbekiston yoshlar futzal terma jamoasi 2026 yil 14 oktyabr kuni Bishkek shahrida bo‘lib o‘tgan ikkinchi xalqaro o‘rtoqlik uchrashuvida Qirg‘iz Respublikasi jamoasiga 2:4 hisobida mag‘lub bo‘ldi.
Qirg‘iziston terma jamoasi hisobni uchrashuvning ikkinchi daqiqasida Eldiar Kasmakulovning goli orqali ochdi. 22-daqiqada Atabek Kanibekov mezbonlar ustunligini ikki golga yetkazdi.
30-daqiqada Abdulboriy Iliyosov O‘zbekiston terma jamoasining ortda qolishini qisqartirdi. Biroq ko‘p o‘tmay Nurdin Mendibayev Qirg‘izistonning ikki gollik ustunligini tikladi. 35-daqiqada Daules Jakipov jamoasining to‘rtinchi golini urdi. 39-daqiqada Azizbek Jaloliddinov uchrashuvning yakuniy hisobini belgiladi — 4:2.
Uchrashuv davomida hakamlar 27-daqiqada Daniel Karibekovga, 36-daqiqada Bekzod Mirqosimovga va 39-daqiqada Daules Jakipovga ogohlantirish ko‘rsatdi.
12 oktyabr kuni Bishkek shahrida o‘tkazilgan birinchi o‘rtoqlik uchrashuvida ham O‘zbekiston yoshlar terma jamoasi Qirg‘iziston jamoasiga 1:2 hisobida mag‘lub bo‘lgan edi.
