Toshkent, O’zbekiston (UzDaily.uz) — Namangan viloyatida gullar va manzarali o‘simliklar kolleksiyasiga ega botanika bog‘ini tashkil etish taklif qilindi.
Ushbu tashabbus viloyat hokimi Shavkatjon Abdurazzoqovning Turkiyaning Brocenna va Göktan kompaniyalari vakillari bilan uchrashuvida muhokama qilindi.
Delegatsiya tarkibidan har ikki kompaniya direktori Tanriverdi Belgin, shuningdek, ularning taʼsischilari Eraslan Nejat va Baindir Ismoil Hakki o‘rin oldi.
Muzokaralarning asosiy mavzusi viloyatda gulchilikni rivojlantirish va turkiyalik hamkorlar bilan hamkorlikni kengaytirishdan iborat bo‘ldi.
Tomonlar gullarning yangi navlarini yetkazib berish va qo‘shma loyihalarni amalga oshirish imkoniyatlarini ko‘rib chiqdilar.
Uchrashuv davomida Abdurazzoqov Davlatobod tumanidagi «Yangi O‘zbekiston» bog‘i hududida botanika bog‘ini tashkil etishni taklif qildi.
Turkiyalik mehmonlar ushbu tashabbusga qiziqish bildirdilar.
Taxmin qilinishicha, yangi obyekt gullar va manzarali o‘simliklarning turli xillarini jamlash, o‘simliklarni yetishtirish va ko‘paytirish bo‘yicha xalqaro amaliyotlarni joriy etish, shuningdek, sayyohlarni jalb qiluvchi qo‘shimcha maskanga aylanish imkonini beradi.
Uchrashuv ishtirokchilari gulchilik sohasidagi hamkorlikni yana-da rivojlantirish va istiqbolli loyihalarni tayyorlash bo‘yicha keyingi qadamlar yuzasidan fikr almashdilar.
