Gol va assist: Shomurodov “Roma”ning g‘alabali o‘yinida yorqin harakat qildi
Toshkent, O‘zbekiston (UzDaily.uz) — O‘zbekiston milliy terma jamoasi va Italiyaning “Roma” klubi hujumchisi Eldor Shomurodov A Seriyaning 26-turi doirasida “Monsa”ga qarshi uchrashuvda o‘zini ko‘rsatdi.
O‘yinning 10-daqiqasida u Aleksis Salemakersga aniq pas uzatib, golli assist muallifi bo‘ldi.
22 daqiqadan so‘ng Shomurodov o‘zi ham gol urdi — u samarali bosh zarbasi bilan to‘pni darvozaga yo‘lladi.
Ikkinchi bo‘limda Anxelinyo (73-daqiqa) va Brayan Kristante (88-daqiqa) o‘z gollari bilan “Roma”ning ustunligini mustahkamladi va jamoaga ishonchli g‘alabani taʼminladi.
