O‘zbekistonda issiq harorat biroz pasayishi kutilmoqda
Toshkent, O’zbekiston (UzDaily.uz) — O‘zbekistonda davom etgan issiq haftadan so‘ng harorat biroz pasayishi kutilmoqda. 16–17 avgust kunlari mamlakatning shimoliy hududlarida salqinroq bo‘ladi, 17 avgustdan esa issiqlikning pasayishi boshqa viloyatlarga ham tarqaladi. Bu haqda iqlimshunos Erkin Abdulaxatov maʼlum qildi.
Uning so‘zlariga ko‘ra, yakshanba va dushanba kunlari O‘zbekiston hududiga shimoli-g‘arbdan sovuq havo kirib kela boshlaydi. Birinchi navbatda uning taʼsirini Qoraqalpog‘iston va Xorazm viloyati aholisi sezadi.
16–17 avgust kunlari shimoliy hududlarda havo harorati 30–35 daraja atrofida bo‘ladi. 17 avgustdan boshlab respublikadagi boshqa viloyatlarda ham harorat pasayishi kutilmoqda.
Qolgan hududlarda harorat joriy haftadagi ko‘rsatkichlardan 2–3 daraja past bo‘ladi.
Shu bilan birga, O‘zbekistonning butun hududida keskin sovish prognoz qilinmayapti. Haroratdagi eng sezilarli o‘zgarish mamlakatning shimoliy hududlarida kuzatilishi kutilmoqda.
