Toshkent, O’zbekiston (UzDaily.uz) — FIFA prezidenti Janni Infantino boshchiligidagi Xalqaro futbol assotsiatsiyalari federatsiyasi delegatsiyasi 29–30 sentyabr kunlari rasmiy tashrif bilan O‘zbekistonda bo‘lib turibdi.
Mehmonlarni O‘zbekiston Respublikasi sport vaziri Adham Ikromov va O‘zbekiston futbol assotsiatsiyasi birinchi vitse-prezidenti Ravshan Irmatov kutib oldi.
Tashrif dasturidan qator loyihalar va obyektlar bilan tanishish o‘rin olgan. Ular mamlakatda futbolni ommalashtirish, futbol infratuzilmasini rivojlantirish va xalqaro hamkorlikni mustahkamlashga qaratilgan.
Tomonlar O‘zbekiston futboli rivojiga, yosh isteʼdodlarni qo‘llab-quvvatlashga va ushbu sport turini respublikada yana-da ommalashtirishga alohida eʼtibor qaratishi rejalashtirilgan.
