Toshkent, O’zbekiston (UzDaily.uz) — Doniyor Qodirov O‘zbekiston Prezidenti farmoni bilan Sirdaryo viloyati hokimi vazifasini bajaruvchi etib tayinlandi.
Ushbu lavozimda u 2025 yil yanvar oyidan buyon viloyatga rahbarlik qilib kelgan Erkinjon Turdimovning o‘rnini egalladi. Turdimov Bosh vazirning birinchi o‘rinbosari — taʼlim va fan vaziri etib tayinlangan edi.
Yangi tayinlovga qadar Qodirov O‘zbekiston Prezidenti Administratsiyasining jamoat xavfsizligi va qonun ustuvorligini taʼminlash departamentiga rahbarlik qilgan.
U turli yillarda Ichki ishlar vazirligi tizimi va Prezident Administratsiyasida rahbarlik lavozimlarida ishlagan. 2018–2019 yillarda Qodirov Ichki ishlar vazirligining Terrorizm va ekstremizmga qarshi kurashish bosh boshqarmasiga rahbarlik qilgan. Bundan avval u O‘zbekiston Ichki ishlar vazirligining Transportda xavfsizlikni taʼminlash bosh boshqarmasi boshlig‘i bo‘lgan.
2021 yil yanvar oyida Qodirov huquqni muhofaza qiluvchi va nazorat organlari faoliyatini muvofiqlashtirish masalalari bo‘yicha Prezident maslahatchisining o‘rinbosari etib tayinlangan. 2023 yil avgust oyida esa ushbu yo‘nalish bo‘yicha Prezident maslahatchisi lavozimiga tayinlangan.
2025 yil iyul oyida u Prezident maslahatchisi lavozimini tark etgan va Prezident Administratsiyasidagi faoliyatini davom ettirgan. U yerda jamoat xavfsizligi va qonun ustuvorligini taʼminlash departamentiga rahbarlik qilgan.
