“Bashakshexir” Shomurodov va Fayzullayev bilan yevrokubokdan chiqdi

Toshkent, O’zbekiston (UzDaily.uz) — O‘zbekistonlik futbolchilar Eldor Shomurodov va Abbosbek Fayzullayev to‘p tepadigan Turkiyaning «Istanbul Bashakshexir» klubi Konferensiyalar ligasidagi ishtirokini yakunladi. Jamoa ikkinchi saralash bosqichining javob uchrashuvida Finlyandiyaning «Inter Turku» klubiga 0:2 hisobida mag‘lub bo‘ldi.

Fin klubiga g‘alabani Yasse Tuominen va Klinton Djefta tomonidan kiritilgan gollar taʼminladi. Ikki uchrashuv natijasiga ko‘ra, «Inter Turku» turnirning keyingi bosqichiga yo‘l oldi, “Bashakshexir” esa yevrokuboklardagi ishtirokini yakunladi. Jamoalar o‘rtasidagi birinchi uchrashuv 1:1 hisobida durang bilan yakunlangan edi.

Abbosbek Fayzullayev tanaffusdan so‘ng darhol maydonga tushdi, Eldor Shomurodov esa 77-daqiqada almashtirildi. Tarkibdagi o‘zgarishlarga qaramay, Turkiya jamoasi uchrashuv kechishini o‘zgartirishga muvaffaq bo‘lmadi.

Uchrashuvda hech bir futbolchi maydondan chetlatilmadi. Bosh hakam jami to‘rtta sariq kartochka ko‘rsatdi, ulardan biri “Bashakshexir” himoyachisi Onur Bulutga berildi.