Toshkent, O‘zbekiston (UzDaily.uz) — Turkiya Prezidenti Rejep Tayyip Erdo‘g‘an O‘zbekiston tashqi ishlar vaziri Baxtiyor Saidov va Ozarbayjon tashqi ishlar vaziri Jeyhun Bayramov bilan uchrashuv o‘tkazdi.

O‘zbekiston tashqi siyosat idorasi rahbari o‘zining Telegram-kanalida Turkiya prezidenti tomonidan qabul qilingani uchun katta sharaf ekanini ta’kidladi.

U, shuningdek, O‘zbekiston Prezidenti Shavkat Mirziyoyevning samimiy salomi va maktubini Erdo‘g‘anga yetkazdi.

Saidov ta’kidlaganidek, ikki davlat yetakchilari o‘rtasidagi birodarlik munosabatlari barcha sohalarda hamkorlikni kengaytirish uchun mustahkam poydevor yaratmoqda.

Uning so‘zlariga ko‘ra, ming yillik tarix, an’analar va urf-odatlar bilan bog‘langan xalqlarimiz umumiy ravnaqli kelajak yo‘lida hamkorlikni yanada mustahkamlashda davom etmoqda.