Saidov yangi tayinlangan Germaniya elchisining ishonch yorliqlari nusxalarini qabul qildi

Toshkent, O’zbekiston (UzDaily.uz) — O‘zbekiston tashqi ishlar vaziri Baxtiyor Saidov 11 avgust kuni Germaniyaning O‘zbekistondagi yangi tayinlangan Favqulodda va Muxtor elchisi Mattias Follertning ishonch yorliqlari nusxalarini qabul qildi. Bu haqda O‘zbekiston Tashqi ishlar vazirligi xabar berdi.

Uchrashuvda Saidov Germaniyaning Yevropada O‘zbekistonning ishonchli hamkorlaridan biri sifatidagi rolini taʼkidladi. Uning so‘zlariga ko‘ra, so‘nggi yillarda oliy darajadagi tashriflar va muntazam siyosiy muloqotlar tufayli O‘zbekiston-Germaniya munosabatlari izchil rivojlanmoqda.

Tomonlar ikki tomonlama kun tartibidagi dolzarb masalalarni muhokama qildi hamda oliy darajada erishilgan kelishuvlarni o‘z vaqtida va sifatli amalga oshirish muhimligini taʼkidladi.

O‘zbekiston TIV rahbari Follertga O‘zbekistondagi diplomatik faoliyatida muvaffaqiyatlar tiladi.