Toshkent, O’zbekiston (UzDaily.uz) — O‘zbekiston Prezidenti Administratsiyasi rahbari Saida Mirziyoyeva Administratsiya jamoasi bilan ishchi tahliliy muhokama o‘tkazilganini maʼlum qildi. Unda yaqin vaqt ichida amalga oshirilishi rejalashtirilayotgan ustuvor yo‘nalishlar va yirik loyihalar ko‘rib chiqildi. Bu haqda u o‘zining Telegram-kanalida xabar berdi.
Uning so‘zlariga ko‘ra, Administratsiyada ochiq ishlash formati muntazam qo‘llaniladi. Unda ustuvor vazifalar belgilanadi, dolzarb masalalar tahlil qilinadi va turli yechim variantlari ko‘rib chiqiladi.
Saida Mirziyoyeva har bir masalani butun jamoa bilan muhokama qilish vaziyatga kengroq baho berish, yangi imkoniyatlarni aniqlash va eng samarali yondashuvlarni topish imkonini berishini taʼkidladi.
Muhokamalar yakunlari bo‘yicha aniq vazifalar belgilanadi va asoslangan takliflar shakllantiriladi. Keyinchalik ular Prezidentga taqdim etiladi.
