“Paxtakor” va “Neftchi” OCHLdagi raqiblarini bilib oldi

Toshkent, O’zbekiston (UzDaily.uz) — Kuala-Lumpurda 2026/27 yilgi Osiyo Chempionlar ligasining umumiy bosqichiga qurʼa tashlash marosimi bo‘lib o‘tdi. Uning yakunlariga ko‘ra, Toshkentning “Paxtakor” va Farg‘onaning “Neftchi” klublari o‘z raqiblarini bilib oldi. Musobaqaning umumiy bosqichida birinchi tur uchrashuvlari 2026 yil 14–15 sentyabr kunlari o‘tkaziladi. Bu haqda turnir qurʼasi yakunlari bo‘yicha maʼlum qilindi.

“Paxtakor” o‘z maydonida to‘rtta uchrashuv o‘tkazadi. Toshkent klubi uyda “Istiqlol”, “Traktor”, “Al-Qodisiya” va “An-Nasr” jamoalarini qabul qiladi.

Safarda “Paxtakor”ning raqiblari “Al-Ahli”, «Eyr Fors», “Al-Hilol” va “Al-Ittihod” bo‘ladi.

“Neftchi” ham o‘z maydonida to‘rtta uchrashuv o‘tkazadi. Farg‘onada klub “Al-Ahli”, «Eyr Fors», “Al-Hilol” va “Al-Ittihod” jamoalarini qabul qiladi.

Farg‘ona jamoasi safar uchrashuvlarida “Istiqlol”, “An-Nasr”, “Traktor” va “Al-Qodisiya” klublariga qarshi maydonga tushadi.

Shunday qilib, har ikki O‘zbekiston klubi bir xil sakkizta raqibga qarshi o‘ynaydi. Biroq “Paxtakor” va “Neftchi” uchun uydagi va safardagi uchrashuvlar tartibi aksincha bo‘ladi.

2026/27 yilgi Osiyo Chempionlar ligasining umumiy bosqichida birinchi tur uchrashuvlari 14–15 sentyabr kunlari o‘tkazilishi rejalashtirilgan.