Toshkent, O’zbekiston (UzDaily.uz) — O‘zbekiston investitsiyalar, sanoat va savdo vaziri o‘rinbosari Akram Aliyev Turkiya Tashqi ishlar vaziri o‘rinbosari Berris Ekinji bilan uchrashuv o‘tkazdi.
Tomonlar savdo-iqtisodiy va investitsiyaviy hamkorlikni yana-da rivojlantirish, o‘zaro savdo hajmini oshirish, shuningdek, qo‘shma investitsiyaviy va sanoat loyihalarini ilgari surish masalalarini muhokama qildi.
Transport va mintaqalararo hamkorlikni kengaytirishga alohida eʼtibor qaratildi. Shuningdek, tomonlar O‘zbekiston — Turkiya Hukumatlararo komissiyasining navbatdagi yig‘ilishiga tayyorgarlik ko‘rish masalasini ko‘rib chiqdi.
Uchrashuv yakunlari bo‘yicha ikki mamlakat vakillari har tomonlama strategik sheriklikni yana-da chuqurlashtirishga tayyor ekanini tasdiqladi.
