O'zbekiston terma jamoasi xokkey bo'yicha jahon chempioni bo'ldi (III B divizioni)

Toshkent, O‘zbekiston (UzDaily.uz) — Xokkey bo'yicha O‘zbekiston  terma jamoasi IIHF 2026 yilgi jahon chempionati ( III divizion, B guruhi) doirasidagi hal qiluvchi uchrashuvda Gonkong terma jamoasini ishonchli mag‘lub etdi. Natijada jamoamiz turnirning oltin medallarini qo‘lga kiritdi va kelasi yili uchinchi divizionning A guruhida ishtirok etish huquqini qo‘lga kiritdi.

Butun turnir davomida terma jamoa o‘zbek xokkeychilarining barcha raqiblar ustidan to‘liq o‘yin ustunligini namoyish etdi. Jamoa yuqori natijadorlik ko‘rsatdi: Mongoliya (26:1), Filippin (28:3), KXDR (20:3) va Lyuksemburg (14:0) ustidan yirik g‘alabalar, shuningdek, musobaqa mezboni — Gonkong terma jamoasiga qarshi uchrashuvdagi ishonchli g‘alaba (9:4) jamoaning yuqori tayyorgarlik darajasi va ambitsiyalarini yaqqol ko‘rsatdi.

Shu tariqa, o‘zbek xokkeyi bir xalqaro sikl doirasida ikki karra muvaffaqiyatga erishdi — o‘smirlar va kattalar o'rtasidagi g‘alabalar. Eslatib o‘tamiz, bir oy avval O‘zbekiston o‘smirlar terma jamoasi ham aynan Gonkongda o‘z divizionida oltin medallarni qo‘lga kiritgan edi.

E’tiborlisi, bunday natija ketma-ket ikkinchi yil qayd etilmoqda. Avvalroq, 2025-yilda Armaniston va Tailandda bo‘lib o‘tgan jahon chempionatlarida ham O‘zbekiston terma jamoalari oltin medallarga sazovor bo‘lgan edi.

Ushbu natija O‘zbekiston xokkey federatsiyasi tomonidan olib borilayotgan tizimli va strategik ishlarning mantiqiy yakuni bo‘ldi. Bu ishlar mamlakatda xokkeyni rivojlantirishga qaratilgan.

Gonkongdagi g‘alabalar — bu shunchaki medallar emas, balki O‘zbekiston barqaror va raqobatbardosh xokkey tizimini shakllantirayotganining tasdig‘idir.

Oltin medallarni qo‘lga kiritgan holda, O‘zbekiston terma jamoasi keyingi bosqichga ko‘tariladi — endi uni yanada yuqori darajadagi musobaqalar, yangi chaqiriqlar va rivojlanish imkoniyatlari kutmoqda (IIIA divizion).