Toshkent, O’zbekiston (UzDaily.uz) — O‘zbekiston milliy terma jamoasi Toshkentda bo‘lib o‘tgan o‘rtoqlik uchrashuvida Suriya terma jamoasini 4:1 hisobida mag‘lub etdi.
Uchrashuvda hisob O‘zbekiston terma jamoasining chap qanotdan tashkil etgan hujumidan so‘ng ochildi. Golni Sherzod Eshanov o‘z hisobiga yozdi.
44-daqiqada Akmal Mozgovoy maydon markazida to‘pni qabul qilib oldi, raqib himoyachilari va darvozabonini aldab o‘tib, to‘pni darvozaning chap burchagiga yo‘lladi va mezbonlar ustunligini oshirdi.
Ikkinchi taym boshida, 48-daqiqada Husayn Norchayev bosh bilan zarba berib, O‘zbekiston terma jamoasining uchinchi golini urdi.
90-daqiqada Norchayev yana Suriya darvozasini ishg‘ol qilib, dubl qayd etdi va hisobni 4:0 ga yetkazdi.
Suriya terma jamoasi ikkinchi taymga qo‘shib berilgan vaqtning uchinchi daqiqasida yagona golini urishga muvaffaq bo‘ldi. Uchrashuvning yakuniy hisobi O‘zbekiston foydasiga 4:1 bo‘ldi.
