Toshkent, O‘zbekiston (UzDaily.uz) — O‘zbekiston Respublikasi Tashqi ishlar vazirligi AQSHda yashovchi o‘zbekistonliklarga eski namunadagi pasportlarning haqiqiy emasligi haqida eslatma berdi.
Tashqi ishlar vazirligining bayonotiga ko‘ra, 2020 yil yanvaridan boshlab biometrik bo‘lmagan pasportlardan foydalanish to‘xtatilgan.
Vatanga qaytishni rejalashtirayotgan fuqarolar o‘z vaqtida AQSHdagi O‘zbekiston diplomatik vakolatxonalariga — Elchixona yoki Bosh konsullikka murojaat qilib, qaytish sertifikatini olishlari lozim. Ushbu hujjatsiz mamlakatga kirish imkoniyati yo‘q.
