O‘zbekiston tashqi ishlar vaziri rasmiy tashrif bilan Hindistonga bordi

Toshkent, O’zbekiston (UzDaily.uz) — O‘zbekiston tashqi ishlar vaziri Baxtiyor Saidov 2 avgust kuni 5 avgustga qadar davom etadigan rasmiy tashrif bilan Hindistonga bordi. Bu haqda Hindiston Tashqi ishlar vazirligi maʼlum qildi.

Hindiston tashqi siyosat idorasi maʼlumotiga ko‘ra, tashrif doirasida O‘zbekiston tashqi ishlar vaziri Hindiston prezidenti Draupadi Murmu bilan Rashtrapati Bhavan prezident qarorgohida uchrashadi, shuningdek, Hindiston tashqi ishlar vaziri Subramanyam Jayshankar bilan muzokaralar o‘tkazadi.

Shuningdek, Baxtiyor Saidov Nyu-Deli shahrida bo‘lib o‘tadigan biznes-forumda ishtirok etadi.

Tashrif davomida asosiy eʼtibor O‘zbekiston va Hindiston o‘rtasidagi siyosiy, savdo-iqtisodiy hamda investitsiya sohalaridagi hamkorlikni yana-da rivojlantirish masalalariga qaratilishi kutilmoqda.