Toshkent, O’zbekiston (UzDaily.uz) — O‘zbekiston terma jamoasi Aichi-Nagoya 2026 Osiyo Para o‘yinlarida bronza va oltin medallarni qo‘lga kiritdi.
Asliya Mirzayorova 100 metrga yugurishda uchinchi o‘rinni egalladi, Qudratillohon Maʼrufxo‘jayev esa disk uloqtirish musobaqasida g‘olib bo‘lib, O‘yinlar rekordini o‘rnatdi.
T11 toifasida ayollar o‘rtasida 100 metrga yugurish finalida Mirzayorova yetakchi yuguruvchi Sardor Baxtiyorov bilan birgalikda ishtirok etdi.
Ular masofani 12,73 soniyada bosib o‘tishdi. Bu natija sportchiga bronza medalini keltirdi. Shu bilan birga, 100 metrga yugurish Mirzayorova uchun asosiy yo‘nalish hisoblanmaydi.
Maʼrufxo‘jayev F37 toifasida erkaklar o‘rtasida disk uloqtirish bo‘yicha finalda oltin medalni qo‘lga kiritdi.
Uning natijasi 57,39 metrni tashkil etdi. Bu unga nafaqat musobaqada g‘alaba qozonish, balki Osiyo Para o‘yinlari rekordini o‘rnatish imkonini ham berdi.
