O‘zbekiston o‘smirlar terma jamoasi (U-17) BAAdagi yig‘inlarda Venesuela bilan durang o‘ynadi
Toshkent, O‘zbekiston (UzDaily.uz) — O‘zbekiston o‘smirlar terma jamoasi (U-17) BAAda o‘tkazilayotgan yig‘inlar doirasida ilk nazorat uchrashuvini o‘tkazdi.
Birinchi raqib Venesuela terma jamoasi bo‘ldi va bellashuv 1:1 hisobi bilan yakunlandi.
29-daqiqa o‘yinda venesuelalik futbolchi David Garsiya hisobni ochdi, ammo 86-daqiqada Nurbek Sarsenboyev penaltini aniq amalga oshirib, hisobni tenglashtirdi.
O‘zbekiston terma jamoasi keyingi nazorat uchrashuvlarini 23 oktyabr kuni Kot-d‘Ivuarga, hamda 29 oktyabr kuni Burkina-Fasoga qarshi o‘tkazadi.
Jamoa 3–27 noyabr kunlari Qatarda bo‘lib o‘tadigan 17 yoshgacha bo‘lgan futbolchilar o‘rtasidagi jahon chempionatiga tayyorgarlik ko‘rmoqda. O‘zbekiston U-17 terma jamoasi J guruhida Paragvay, Irlandiya va Panama jamoalariga qarshi maydonga tushadi.
