O‘zbekiston erkaklar terma jamoasi «Turkish Open» turnirida birinchi o‘rinni egalladi
Toshkent, O‘zbekiston (UzDaily.uz) — Turkiyaning Antaliya shahrida taekvondo WT bo‘yicha G2 toifali xalqaro «Turkish Open» turniri yakunlandi.
Musobaqa yakunlariga ko‘ra, O‘zbekiston erkaklar terma jamoasi yuqori tayyorgarlik darajasini namoyon etib, 3 ta oltin va 2 ta bronza medalni qo‘lga kiritdi. Ushbu natija jamoaga erkaklar terma jamoalari o‘rtasida umumjamoa hisobida birinchi o‘rinni egallash imkonini berdi.
Milliy terma jamoa tarkibida oltin medallarni qo‘lga kiritgan sportchilar:
54 kg vazn toifasida — Dilmurod Maʼrufjonov;
58 kg gacha — Omonjon Otajonov;
80 kg gacha — Jasur Jaysunov.
Turnirning bronza sovrindorlari:
54 kg vazn toifasida — Jahongir Xudoyberdiyev;
68 kg gacha — Diyorbek Tuxliboyev.
O‘zbek sportchilarining nufuzli xalqaro turnirdagi muvaffaqiyatli ishtiroki mamlakatda taekvondo sport turining yuqori darajada rivojlanganini hamda milliy terma jamoa tayyorgarligi samaradorligini yana bir bor tasdiqladi.
