Ozarbayjonning yangi elchisi O‘zbekiston TIV rahbariga ishonch yorliqlarining nusxalarini topshirdi

Toshkent, O’zbekiston (UzDaily.uz) — O‘zbekiston tashqi ishlar vaziri Baxtiyor Saidov 27 iyul kuni Ozarbayjonning O‘zbekistondagi yangi favqulodda va muxtor elchisi Rashad Mamedovning ishonch yorliqlari nusxalarini qabul qildi.

Uchrashuv davomida tomonlar ikki tomonlama munosabatlarning bugungi holati va ularni rivojlantirish istiqbollarini muhokama qildi. Saidov ikki mamlakat o‘rtasidagi tarixiy va madaniy aloqalar, shuningdek, davlat rahbarlari o‘rtasidagi yuqori darajadagi ishonchni taʼkidladi.

Suhbatdoshlar siyosiy muloqot dinamikasini saqlab qolish, savdo-iqtisodiy va investitsiyaviy hamkorlikni kengaytirish, shuningdek, transport va logistika sohalarida qo‘shma loyihalarni ilgari surish masalalariga alohida eʼtibor qaratdi.

O‘zbekiston TIV rahbari Rashad Mamedovning diplomatik tajribasi O‘zbekiston va Ozarbayjon o‘rtasidagi ittifoqchilik munosabatlarini yana-da mustahkamlash hamda ikki mamlakat o‘rtasidagi amaliy hamkorlikni rivojlantirishga xizmat qilishiga ishonch bildirdi.