Kamilla Rahimova Uimbldondagi ishtirokini yakunladi

Toshkent, O’zbekiston (UzDaily.uz) — O‘zbekistonning birinchi raketkasi Kamilla Rahimova “Uimbldon-2026” Katta dubulg‘a turniridagi ishtirokini musobaqaning ikkinchi bosqichida yakunladi.

Londonning maysali kortlarida o‘zbekistonlik tennischi Gretsiya vakili Mariya Sakkariga qarshi bahs olib bordi. Uchrashuv uch set davom etdi.

Birinchi partiyada Rahimova 3:6 hisobida mag‘lub bo‘ldi, biroq ikkinchi setda raqibasiga birorta ham geym bermasdan, 6:0 hisobida ishonchli revansh oldi.

Uchrashuv g‘olibi hal qiluvchi uchinchi setda aniqlandi. Tay-breykkacha yetib borgan mazkur setda Mariya Sakkari 7:6 (10:7) hisobida g‘alaba qozonib, musobaqaning keyingi bosqichiga yo‘l oldi. Kamilla Rahimova esa “Uimbldon-2026” turniridagi ishtirokini yakunladi.