Ispaniya JCH yarim finaliga yo‘l oldi

Toshkent, O’zbekiston (UzDaily.uz) — Ispaniya terma jamoasi futbol bo‘yicha jahon chempionatining chorak final uchrashuvida Belgiyani 2:1 hisobida mag‘lub etib, yarim finalga yo‘l oldi. Uchrashuv AQSHning Kaliforniya shtati Inglvud shahrida bo‘lib o‘tdi.

Ispaniyaliklar hisobni uchrashuvning 30-daqiqasida ochishdi. Fabian Ruis kiritgan gol jamoasini hisobda oldinga olib chiqdi.

Birinchi bo‘lim tugashiga oz vaqt qolganda belgiyaliklar muvozanatni tiklashga muvaffaq bo‘ldi. 41-daqiqada Sharl De Ketelare gol muallifiga aylandi.

G‘alaba golini 88-daqiqada Mikel Merino kiritib, Ispaniya terma jamoasining musobaqaning keyingi bosqichiga chiqishini taʼminladi.

Jahon chempionatining yarim finalida Ispaniya terma jamoasi Fransiyaga qarshi maydonga tushadi. Uchrashuv 14 iyul kuniga belgilangan.