Toshkent, O’zbekiston (UzDaily.uz) — O‘zbekistonlik bokschi Bahodir Jalolov 17 oktyabr kuni Londonda professional ringda navbatdagi jangini o‘tkazadi. Uning raqibi britaniyalik Solomon Dakres bo‘ladi.
Jang bosh janglari Dyubua va Uordli o‘rtasidagi to‘qnashuvlardan iborat bo‘lgan boks kechasi doirasida bo‘lib o‘tadi.
Jalolov professional ringda hozirgacha 17 ta jang o‘tkazib, ularning barchasida g‘alaba qozongan. Ushbu g‘alabalarning 15 tasini nokaut bilan qo‘lga kiritgan.
Solomon Dakres hisobida esa 10 ta g‘alaba va bitta mag‘lubiyat bor. U uchta jangda raqiblarini nokautga uchratgan.
Boks kechasi dasturidan boshqa qiziqarli janglar ham o‘rin olgan.
