Toshkent, O’zbekiston (UzDaily.uz) — Zaynilobiddin Nizomiddinov Sirdaryo viloyati hokimi vazifasini bajaruvchi etib tayinlandi. Ushbu tayinlovga qadar u Toshkent viloyati Bekobod tumani hokimi lavozimida ishlagan.
Nizomiddinov bu lavozimda yangi tayinlovi munosabati bilan Sirdaryo viloyati hokimi vazifasidan ozod etilgan Erkinjon Turdimov o‘rnini egalladi.
O‘zbekiston Prezidenti Shavkat Mirziyoyev Turdimovni Bosh vazirning birinchi o‘rinbosari — taʼlim va fan vaziri etib tayinlagan.
Zaynilobiddin Nizomiddinov 1974 yil 27 mayda Surxondaryo viloyati Sariosiyo tumanida tug‘ilgan. 1996 yilda Toshkent davlat iqtisodiyot universitetini iqtisodchi mutaxassisligi bo‘yicha tamomlagan.
Nizomiddinov mehnat faoliyatini 1996 yilda Tashqi iqtisodiy aloqalar vazirligida boshlagan. 2016–2018 yillarda u Prezident maslahatchisi — Ijro apparati rahbari lavozimida ishlagan, 2018–2022 yillarda esa O‘zbekiston Prezidenti Administratsiyasiga rahbarlik qilgan.
2022 yil iyul oyida Nizomiddinov Prezident Administratsiyasi rahbari lavozimidan ozod etilgan. Keyinchalik u O‘zbekiston kasaba uyushmalari Federatsiyasi raisining birinchi o‘rinbosari etib saylangan.
