Xusanov JCHdagi hodisadan so‘ng operatorni qo‘llab-quvvatladi

Toshkent, O’zbekiston (UzDaily.uz) — O‘zbekiston terma jamoasi himoyachisi Abduqodir Xusanov 18 iyun kuni milliy jamoaning FIFA jahon chempionatidagi debyut uchrashuvi davomida jabrlangan teletranslyatsiya operatorini qo‘llab-quvvatlashini bildirdi. Uchrashuv Kolumbiya terma jamoasiga qarshi bo‘lib o‘tgan edi.

Hodisa o‘yin epizodlaridan birida sodir bo‘lgan. Xusanov to‘p uchun kurash jarayonida maydonning yon chizig‘i yaqinida turgan operator bilan to‘qnashib ketgan.

O‘yindan keyin teletranslyatsiya xodimining ahvoli haqida maʼlumot olindi. Shuningdek, unga o‘zbekistonlik futbolchining avtografi tushirilgan maxsus futbolka topshirildi.

Abduqodir Xusanov operatorga tezroq sog‘ayib ketishini tiladi va unga qo‘llab-quvvatlov so‘zlarini yo‘lladi.

Kolumbiyaga qarshi bahs O‘zbekiston terma jamoasi uchun futbol bo‘yicha jahon chempionatlari tarixidagi ilk uchrashuv bo‘ldi.